sept rann upp

engin bloggleti búin að vera í gangi heldur bara mjög svo upptekin manneskja, farið að hægjast um og Chillarinn má bara fara að láta sjá sig :) sumarið er heldur betur búið og ómæ ómæ hvað það leið hratt og ég náði sko ekki að gera allt sem ég ætlaði mér að gera...er sammt ekkert grenjandi yfir því sko :)

er þægilega að upplifa öðruvísi haust en vanalega, fyrsta skiptið síðan 1989 (jebb 2007 í dag) þá kem ég hvergi að haustþrekæfingum, hvorki sem iðkandi né þjálfari ! hinsvegar fá félagsstarfskraftar mínir að njóta sín því ég er í stjórn nýstofnaðs skíðagöngufélags á höfuðborgarsvæðinu :o/ sjebb búin að skipta bara yfir í gönguna frá alpagreinunum sem er bara spennandi kúl :) er svo sannarlega lélegust af þeim í stjórninni á gönguskíðum, bara einhverjir Vasakeppnis-reynsluboltar en ég á hunda sem geta dregið mig ;)

veðrið hefur algjörlega sökkað síðustu vikur ég hefði haldið að geitungar héldu sig bara inni í búinu sínu í svona veðri en nei nei þeir vilja vera inni í timburhúsinu mínu :( þrjá daga í röð í síðustu viku komu um 5-6 geitungar inn á dag, ég og nótt vorum sveittar á veiðunum þar til ég fékk nóg og reddaði málunum með því að hanna gluggavarnir...franskur rennilás og tjull !! snyrtilegt, virkar og ég ósveitt og áhyggjulaus ;)

samkvæmt planinu á Chillarinn að mæta 26 sept og það þýðir að í dag eru bara 13 dagar í þetta, er reyndar að vona að hann sé fljótfærinn og láti sjá sig fyrr, reyndar fínt að hafa hann stundvísann en það væri dæmigert að hann verði bara sauður og seinn :( en allavegana í mesta lagi 27 dagar í mætingu :) sem er alveg agalega stutt, tel mig bara ágætlega setta með allt tilbúið..nema kannski ungbarnakunnáttu en börn eru háþróaðar verur þannig að þetta ætti ekki að vera flókið :o/
er annars alveg mega hress og gæti alveg eins gleimt því að ég sé ófrísk nema ég er bara vanalega ekki með svona vömb :)
(tekið 21ágúst, komin 35v sem er 8mánuðir og einhvað farin að síga)

á ekki nýrri bumbumynd í tölvunni en vömbin er sko búin að stækka meira og er nú farin að rekast í veggina :o/ en þrátt fyrir vömbina þá er ég að fara á kostum og algjörlega að bæta danshæfileikana mína í bumbuleikfiminni, kannski ekki dansæhæfileikar en fyrir manneskju sem hefur í mestalagi farið 2 sinnum í erobik eða pallatíma þá er ég ánægð með mig ;) þessi leikfimi er algjör snilld og ég mæli með því að þið óléttu eða þið sem þekkið óléttulínur látið þær vita af http://www.fullfrisk.is/ sem er án efa má segja harðasta óléttuleikfimi sem er í boði, mikið af æfingunum svipar til boot camp og eru ótrúlega fjölbreittar og allt undir stjórn tveggja hjúkka þannig að það er allt undir control :) gerðist súpermodel einn daginn (þá komin 34vikur) og árangurinn sést í þremur mismunandi bannerum og í linknum "myndir" á síðunni hjá fullfrísk :)

annars er Uglu að dreima einhvað svakalega skemmtó hérna við hliðina á mér, "geltir" og kippist til..bara krúsí :)

Ugla að pústa eftir mikil hlaup um helgina :) "lífið er yndilegt" er hún pottþétt að hugsa !

laaang blogg og farin að sinna Sky og nammipokanum ;)

kv ögn